Serdar Əzizin peşəkar futbolçu karyerası 2006-cı ildə Bursaspor A komandasına yüksəldiyi zaman başlayıb. Serdar Əziz 2007-2008-ci il mövsümündə "Merinosspor"a icarəyə göndərilib və oradakı çıxışı ilə diqqət çəkib. 2008-2009 mövsümündə Bursaspor A komandasına qayıdıb və Super Liqada ilk matçına çıxıb.

"Bursaspor"da keçirdiyi illərdən sonra 2016-cı ildə "Qalatasaray"a transfer olunub.Qalatasarayda da önəmli oyunçuya çevrilən Serdar Əziz 2019-cu ildə "Fənərbaxça"ya transfer olunub.

Serdar Əziz Türkiyə yığmasında müxtəlif yaş kateqoriyalarında çıxış edib. Serdar 2014-cü ildə Milli Komandaya çağırılıb və ilk matçını 16 Noyabr 2014-cü ildə Qazaxıstan yığmasına qarşı keçirib. Serdar Milli Komanda ilə cəmi 18 oyuna çıxıb və 2 qol vurub.

Serdar Əziz Bursaspor forması ilə (AA)

Serdar Əziz 2014-cü ildə Tuğçe Türklə ailə qurub. Onların 2017-ci ildə bu evlilikdən Yaman Əli adlı oğlu olub.

Serdar Əziz hazırda "Fənərbaxça" ilə müqaviləsinin son mərhələsindədir və aktiv futbolçu karyerasını davam etdirmir. O, 2023-cü ilin oktyabrında Almaniyanın Münhen şəhərində sol topuğundan artroskopik əməliyyat keçirib və müalicə prosesinə başlayıb.

2025-ci ilin əvvəlində “Fənərbağça”nın texniki direktoru Joze Mourinyonun heyətdən kənarda qoyduğu Serdar Əziz komandaya qayıtmaq istəyib, lakin bu tələb rədd edilib. Serdar Əzizin "Fənərbağça" ilə müqaviləsi 2025-ci ildə başa çatacaq və yeni klubu ilə hələ ki, razılıq əldə olunmayıb.