Oğlan, Köstəbək, Tülkü və At (Film)

Oğlan, Köstəbək, Tülkü və At filmi, Charlie Mackesy'nin eyni adlı kitabından uyarlanaraq, izləyicilərə safiyyət, dostluq və sevgi dolu bir səyahət təqdim edir. 2022-ci il istehsalı olan bu qısa animasiya, bir oğlanın itkinlik hissini, sevgi və dostluqla tapdığı həll yollarını izah edən toxunan bir hekayə təqdim edir.

^{Film Afişası (Mənbə:} Sinemalar⁾

Film, bir oğlanın, köstəbək, tülkü və atla birlikdə başladığı səyahəti izləyir. Hər bir xarakterin özünə məxsus bir baxış açısı var: Oğlan maraqla suallar verərkən; köstəbək şirinliklə tort axtarışındadır, tülkü isə həyata qarşı ehtiyatlı və dərin bir yalnızlıq içindədir. At isə səyahət boyunca hikmət və cəsarət təqdim edən bir rəhbər rolunu üzərinə götürür. Oğlan sualları, həyatda nəyin vacib olduğunu sorğularkən, digər xarakterlər ona dostluq, sevgi və cəsarətin dəyərini öyrədir.

Film, dərin fəlsəfi mesajlar verirkən, saf bir anlatımla izləyicini əhatə edir. Hər bir xarakterin yaşadığı daxili yolçuluq, izləyiciyə öz emosional yolçuluğunu xatırladır. Yardım istəməyin cəsarət tələb edən bir şey olduğunu vurğulayan film, hadisələrə necə reaksiya verdiyimizin və başqalarına olan sevgimizin həyatda ən böyük qüvvələrdən biri olduğunu izah edir.

^{Oğlan, Köstəbək, Tülkü və At}

Filmin rejissoru Charlie Mackesy və Peter Baynton idi. Apple TV+ və BBC-nin birgə istehsalı olan 30 dəqiqəlik animasiya 2022-ci il Milad bayramında tamaşaçılarla görüşüb.

Film, 12 mart 2023-cü ildə Los Angelesdə keçirilən Akademiya Mükafatlarında “Ən Yaxşı Qısa Animasiya Film” kateqoriyasında Oscar qazandı.

2019-cu ildə kitab nəşr edildikdən sonra Waterstones tərəfindən ilin kitabı seçilmiş və İngilis Kitab Mükafatlarında “İlin Qeyri-Bədii Həyat Tərzi Kitabı” kateqoriyasında qısa siyahıya düşmüşdür. Kitab dünya miqyasında 8 milyondan çox satılıb və 2021-ci ildə Türk dilinə tərcümə olunaraq Mundi Kitap nəşriyyatı ilə çap olunmuşdur.